कोल्हापूर शहराचा ‘क्विन ऑफ नेकलेस’ असलेल्या ऐतिहासिक रंकाळा तलाव……
ऐतिहासिक रंकाळा तलावाजवळील रंकाळा पदपथ उद्यानात स्वयंचलित पद्धतीने (रोबोटिक सेन्सरने) तयार करण्यात आलेले सजीव भासणारे प्राणी, रंकाळा सुशोभीकरण, पदपथ उद्यानातील विविध विकासकामे, अमृत योजनेअंतर्गत पुर्ण केलेल्या एकूण सव्वा दोन कोटी रुपयांच्या विकास कामांचा शुभारंभ आज करण्यात आले.
कोल्हापूरचे वैभव असणारा रंकाळा पाहण्यासाठी कोल्हापूरला आलेले भाविक आणि पर्यटक हमखास भेट देतात. याचसोबत कोल्हापूरकर सुद्धा दररोज तसेच सुट्टीच्या दिवशी रंकाळ्यावर फेरफटका मारतात. कोल्हापुरातील पर्यटनवाढीसाठी रंकाळा हा अत्यंत महत्वाचा घटक आहे. याच पार्श्वभूमीवर रंकाळा पदपथ उद्यानात स्वयंचलित पद्धतीने (रोबोटिक सेन्सर बसविलेले) ही रेखीव शिल्पे साकारण्यात आली आहेत. यामुळे, येणाऱ्या काळात ही शिल्पे या उद्यानातील आकर्षणाचा केंद्र ठरतील, हे नक्की.
ईमहाराष्ट्र राज्यामधे प्रथमच आपल्या कोल्हापूर शहरात रंकाळा पदपथ उद्यानात रोबोटिक सेन्सर असलेले विविध प्रकारचे प्राणी बसविले आहेत. त्याद्वारे, कोल्हापूरचे वैभव असलेल्या रंकाळा तलावाच्या सौंदर्यामधे भर पडणार आहे. रंकाळा आणि परिसराच्या नियोजनबद्ध संवर्धनासाठी आणि विकासासाठी आम्ही कटिबद्ध आहोत, असे सतेज पाटील यांनी आपल्या फेसबूक पोस्ट द्वारे संगितले.
यावेळी, मा. वसंतराव देशमुखदादा, आ. ऋतुराज पाटील, शारंगधर देशमुख, माजी महापौर निलोफर आजरेकर, माजी उपमहापौर संजय मोहिते, अतिरिक्त आयुक्त नितीन देसाई, राजेंद्र पाटील, श्रीमती दीपा मगदूम, रिना कांबळे, सौ. माधुरी लाड, सचिन पाटील, नेत्रदीप सरनोबत, सौ. पल्लवी बोळाईकर तसेच परिसरातील नागरिक उपस्थित होते.
