जेईई मेन परीक्षेच्या तिसऱ्या व चौथ्या टप्प्यातील परीक्षांबाबत परीक्षार्थ्यांमध्ये प्रचंड संभ्रम निर्माण झालेला होता. अखेर आज केंद्रीय शिक्षणमंत्री रमेश पोखरियाल निशंक याबाबतची भूमिका स्पष्ट करून, हा संभ्रम दूर केला. शिक्षणमंत्र्यांनी परीक्षेच्या तारखांची घोषणा करत सांगितले की, जेईई मेनची तिसऱ्या टप्प्यातील परीक्षा २० जुलै पासून २५ जुलै पर्यंत होईल. तर, जेईई मेन चौथ्या टप्प्यातील परीक्षा जी मे महिन्यात होणार होती, ती २७ जुलै पासून २ ऑगस्ट २०२१ पर्यंत होईल.
#JEEMains2021 to be conducted from July 20th to 25th and July 27th to August 2nd, 2021. pic.twitter.com/hjpBEqjFc9
— ANI (@ANI) July 6, 2021
ज्या विद्यार्थ्यांना पहिल्या आणि दुसरे टप्प्यात परीक्षेसाठी अर्ज न करु शकणाऱ्यांना तिसऱ्या आणि चौथ्या टप्प्यात अर्ज करता येणार आहे. नॅशनल टेस्टिंग एजन्सीकडून (NTA) ही परीक्षा आयोजित केली जाते. कोरोना संसर्गाच्या पार्श्वभूमीवर दुसरी लाटेचा धोका लक्षात घेऊन JEE Main परीक्षेचा तिसरा आणि चौथा टप्पा स्थगित करण्यात आला होता. आता या निर्णयाने या परीक्षेची वाट पाहणाऱ्या विद्यार्थ्यांना मोठा दिलासा मिळाला.
Under the guidance of Hon'ble Prime Minister Shri @narendramodi Ji, for the safety and bright future of our students, National Testing Agency will be holding the JEE (Main)-2021 Examination. @PMOIndia @HMOIndia @PIB_India @MIB_India @DDNewslive @EduMinOfIn https://t.co/n06cT7pywk
— Dr. Ramesh Pokhriyal Nishank (@DrRPNishank) July 6, 2021
अर्ज प्रक्रिया सुरू
एनटीएने दिलेल्या माहितीनुसार, पहिल्या आणि दुसऱ्या टप्प्यात ज्या विद्यार्थ्यांना अर्ज करता आले नाही त्यांना 6 जुलै ते 8 जुलै 2021 पर्यंत ऑनलाईन अर्ज करता येणार आहे. चौथ्या टप्प्यासाठी 9 जुलै ते 12 जुलै 2021 पर्यंत अर्ज करता येणार आहे. जेईई मेन परीक्षा 4 वेळा आयोजित केली जाणार आहे. यापैकी ज्या परीक्षेचा निकाल चांगला असेल तो निकाल गृहित धरला जाईल. ज्या विद्यार्थ्यांना परीक्षा केंद्र बदलायचे त्यांना 6 ते 8 जुलै दरम्यान लॉग इन करता येणार आहे.
